Las fotografias sun gnüdas fattas durant sogiuorns da vacanzas a Ftan 2007e 2008. La schelta da talas nun es dafatta brich represchantativa.
Ftan, ein einzigartiges Dorf mit magischer Anziehungskraft, intakter Natur, bodenständigen Leuten, imposanter Bergwelt und einmaligem Licht. Ein Dorf auch im Wandel der Zeit.
Preschantadas vegnan persunas giuvnas e veglias. I sun purtrets our da la vita dal minchadi sco eir in occasiun da differents dis da festa. Sco cudesch da fotografias es quista pitschn’ouvra üna prova da laschar „gnir a pled“ a differentas generaziuns in fuorma da fotografia alb-naira. Purtrets sainza pleds, üna buna part cun ün’expressiun ourdvart pregnanta.
La cuntrada fuorma la glieud. Il purtret dal cumün vegn caracterisà da la cuntrada, da sia architectura ed eir tras las persunas chi abitan in cumün.
Ftan ha avegnir, Ftan “viva”:
Grazcha ad üna cuntrada bain intacta, ün’ infrastructura turistica adequata, cumbinada cun üna promoziun sana, cun duos scoulas bain organisadas, cun societats culturalas e sportivas ourdvart activas, e cun ün’ agricultura cun bun avegnir.
Il purtret survart:
Giuvens e giuvnas da Ftan i’l costüm engiadinais. Costüms han dachefar culla patria. Las cuntradas engiadinaisas sun caracterisadas na in ultim dad ourdvart fermas culuors. Il costüm engiadinais es bellischem, impustüt quel da la duonna cun sias bellas culuors cotschnas e cun rechams.
Las giuvnas e’ls giuvens sül purtret guardan cun optimissem e spranza i’l avegnir. La giuventüm es l’avegnir da nos cumün. Giuvenils han ün grond potenzial. I dependa da no da tils acceptar sco partenaris autonoms e da promover lur iniziativa e creatività.
Jon Plouda, capo cumünal 1989 – 1999 / fotografà da Gallus Heeb 2007 2008
